தமிழ் (Tamil)

கல்வித்துறை எப்படிச் செயற்படுகிறது?

உங்கள் பிள்ளை பாடசாலையில் வெற்றி ஈட்டுவதற்கு நீங்கள் உதவ உங்களுக்கு தகவல் வேண்டுமா? நாம் உதவ முடியும். நாங்களும் பெற்றோர்களாகவே இருக்கிறோம். உங்கள் கேள்விகளுக்குத் தெளிவான பதில்கள் கிடைக்கும் என்பதற்கு நீங்கள் எம்மை நம்பலாம்.

பாடசாலைத் திட்டத் தொகுதி எவ்வாறு செயற்படுகிறது, மற்றும் உங்கள் பிள்ளை அதில் வெற்றியடைவதற்கு நீங்கள் எவ்வாறு உதவ முடியும், ஆகிய விடயங்களை நீங்கள்புரிந்து கொள்வதற்கு எம்மிடம் உள்ள தகவல் துணுக்கு இதழ்கள் (tip sheets) உங்களுக்கு உதவுகின்றன.

கணினி மூலம் உடன் நிகழ் முறையில் உங்களின் பல வகையான கேள்விகளுக்கு ஆங்கிலத்தில் விடை தரக்கூடிய பெற்றோர்களின் சமூகக் குழு ஒன்று எம்மிடம் உண்டு. அத்துடன் கட்டணமின்றி நீங்கள் அழைக்கக் கூடியதாக ஆங்கிலத்தில் செயற்படும் பெற்றோரின் ஓர் ஆதார உதவித் தொலைபேசி இணைப்பு 1-888-534-3944 என்ற எண்ணில் செயற்பட்டு வருகிறது. கல்விக்கான மக்கள் (People for Education) என்பது எமது பெயர். ஒன்ராறியோவில் பொது மக்களுக்கான அரசாங்க உதவிக் கல்வியை ஆதரித்துப் பணி புரிந்து வரும் ஒரு சுயாதீன நிறுவனமாக நாம் செயற்படுகிறோம்.

கல்வித் திட்டத் தொகுதியை பெற்றோர் புரிந்து கொள்வதற்கு உதவும் தகவல் துணுக்கு இதழ்கள்:

பாடசாலை ஆரம்பம்

பாடசாலை ஆரம்பம் உங்கள் பிள்ளையின் வாழ்க்கையில் ஆர்வத்தை தூண்டும் ஒரு படிநிலையாக இருக்கிறது. பெரும்பாலும் பல கேள்விகள் இந்தக் கட்டத்தில் உங்கள் மனதில் தோன்றும். இந்தத் தகவல் துணுக்கு இதழ் பாலர் வகுப்பு மற்றும் தரம் 1 ஆகியவற்றுக்கு நீங்களும் உங்கள் பிள்ளையும் தயாராவதற்கு உதவுகிறது.

 

கல்வித் துறையில் யார் எதனைச் செய்கின்றனர்

உங்களுக்குத் தகவல் தேவைப்படுகையில் உதவியை நாடி நீங்கள் யாருடன் அது பற்றிக் கதைக்க வேண்டும் என்பது உங்களுக்கு தெரிவது முக்கியம் ஆகும். கல்வி அமைச்சு, பாடசாலைச் சபைகள், பாடசாலைகள், ஆசிரியர்கள், பாடசாலை ஆலோசனைச் சபைகள் என்பவற்றின் பங்கு என்ன, ஒன்ராறியோவின் கல்வித் திட்டத் தொகுதியில் யார் எவ்வாறான கடமைகளைச் செய்கிறார்கள், என்பதை நீங்கள் விளங்கிக் கொள்வதற்கு இந்தத் தகவல் துணுக்கு இதழ் உதவுகிறது.

 

பெற்றோர்-ஆசிரியர் நேர்முகச் சந்திப்புகள்

உங்கள் பிள்ளையின் ஆசிரியரை நீங்கள் சந்திப்பதற்கு பெற்றோர்-ஆசிரியர் சந்திப்புகள் மிகச் சிறந்த வாய்ப்பாக அமைகின்றன. பாடசாலையில் உங்கள் பிள்ளை எவ்வாறு செயற்படுகிறார் என்பது பற்றி மேலும் தகவலினை இதன்பொழுது நீங்கள் அறிந்து கொள்ளலாம். இலகுவான 3 படிமுறைகளில் இதற்கு நீங்கள் எவ்வாறு தயாராவது என்பதை இந்தத் தகவல் துணுக்கு இதழ் விளக்குகிறது.

 

வீட்டுவேலை

பிள்ளைகள் வீட்டு வேலையைச் செய்யும் பொழுது அதற்கு ஆதரவு வழங்குதல் பாடசாலையில் பிள்ளைகள் வெற்றி ஈட்டுவதற்கு உதவும் ஒரு வழியாக அமைகிறது. வீட்டுவேலை பற்றிய உங்கள் கேள்விகளுக்கு இந்தத் தகவல் துணுக்கு இதழ் விடை தருவதுடன், அதற்கு உதவியாக அமையும் சில யோசனைகளையும் உங்களுக்கு வழங்குகிறது!

 

உயர் பாடசாலை கற்கைநெறிகள் மற்றும் தெரிவுகள்

மாணவர்கள் உயர் பாடசாலையில் தமது படிப்பினை ஆரம்பிக்கும் பொழுது, அவர்கள் எடுக்கக் கூடியதாக உள்ள கற்கைநெறிகளில் பல தெரிவுகள் அவர்களுக்கு இருக்கும். இந்த விடயத்தில் சரியான முடிவுகளை எடுக்க வேண்டியது பற்றிப் பெற்றோரும் மாணவர்களும் அழுத்தம் தரும் உணர்வுகளைக் கொண்டிருப்பர். வெவ்வேறு வகையான கற்கைநெறிகளையும், அவை இட்டுச் செல்லும் வழிகளையும் பற்றி இந்தத் தகவல் துணுக்கு இதழ் விபரம் தருகிறது.

 

பாடசாலையில் பிரச்சினைகளைத் தீர்த்தல்

உங்கள் பிள்ளையின் கல்வி பற்றி உங்களுக்கு ஒரு கேள்வி அல்லது கரிசனம் தோன்றும் பொழுது யாருடன் அது பற்றிக் கதைப்பது என்று உங்களுக்குத் தெரியாமல் இருக்கலாம். பிரச்சினைகளைத் தீர்ப்பது பற்றித் தெளிவான படிப்படியான ஒரு முறையினை இந்தத் தகவல் துணுக்கு இதழ் வழங்குகிறது.

 

விசேட கல்வி

சில மாணவர்கள் படசாலையில் வெற்றி பெறுவதற்கு உதவியாக, அவர்களுக்கு ஒரு விசேட  கல்வித் திட்டத்தின் மூலம் வழங்கப்படும் ஆதார உதவி தேவைப்படுகிறது. மாணவர்கள் அவர்களுக்குத் தேவையான உதவியினைப் பெறுவதை உறுதிப்படுத்தும் செயல் முறையினை இந்தத் தகவல் துணுக்கு இதழ் விளக்குகிறது.

 

ஈக்குவாவோ (EQAO) சோதனை

ஒன்ராறியோவில் உள்ள மாணவர்கள் எல்லோரும் முழு மாகாணம் அடங்கிலும் நடாத்தப்படும் இவ்வகைச் சோதனைகளை எழுதுகின்றனர். தரங்கள் 3 மற்றும் 6 இல் வாசிப்பு, எழுத்து, கணிதம் ஆகியவற்றிலும், தரம் 9 இல் கணிதத்திலும், தரம்10 இல்  வாசிப்பு, எழுத்து ஆகியவற்றிலும் மாணவர்கள் சோதனைகள் எழுதுகின்றனர். இச்சோதனைகளின் நோக்கம் பற்றியும், உங்கள் பிள்ளை இவற்றுக்குத் தயாராவதற்கு உதவுதல் எப்படி என்பது பற்றியும் நீங்கள் புரிந்து கொள்வதற்கு இந்தத் தகவல் துணுக்கு இதழ் உதவும்.

 

பாடசாலையில் நடத்தை: பாதுகாப்பான பாடசாலைகள் சட்டம் விளங்கிக் கொள்ளுதல்

மாணவர்கள் படசாலையில் எவ்வாறு நடந்து கொள்ள வேண்டும் என்பது பற்றி ஒன்ராறியோவில் ஓர் உத்தியோகபூர்வமான கொள்கை இருந்து வருகிறது. ஒழுக்காறு செயல்முறை பற்றியும், பாடசாலையில் இருந்து ஒரு மாணவர் இடைநிறுத்தப்படும் பொழுது அல்லது வெளியேற்றப்படும் பொழுது என்ன நிகழ்கிறது என்பது பற்றியும் இந்தத் தகவல் துணுக்கு இதழ் விளக்குகிறது.

 

ரொறொன்ரோ பிரதேசத்தில் வாழும் மக்களுக்கு உரியது:

இரண்டாவது மொழியாக ஆங்கிலம் என்ற கல்வித் திட்டங்கள்

கனடாவுக்குப் புதிதாக வரும் சில மாணவர்கள் ஆங்கிலம் கற்பதற்கு அவர்களுக்கு உதவி தேவைப்படுகிறது. இவ்வாறான மாணவர்களுக்கு ஆதார உதவி வழங்கவென ரொறொன்ரோவில் பெறக்கூடியதாக உள்ள கல்வித் திட்டங்களை நீங்கள் விளங்கிக் கொள்வதற்கு இந்தத் தகவல் துணுக்கு இதழ் உதவும்.

 

சிரமப்படும் மாணவர்களுக்கான ஆதார உதவிக் கல்வித் திட்டங்கள்

காலத்துக்குக் காலம் பாடசாலையில் கற்கும் பருவத்தில் மாணவர்கள் பாடங்களுடன் சிரமப்படக் கூடும். இவ்வாறான மாணவர்களுக்கு மேலதிக உதவி வழங்கவென ரொறொன்ரோவில் பெறக்கூடியதாக உள்ள கல்வித் திட்டங்கள் பற்றிய தகவல் இந்தத் தகவல் துணுக்கு இதழில் அடங்கி உள்ளது.

 

Helpful links:

InMyLanguage.org

கனடா,ஒன்ராரியோவுக்கு புதிதாக வருகை தருபவர்களுக்கு InMyLanguage.org, பலமொழிகளில் தகவல்களை வழங்குகின்றது.

Settlement.Org

 

SmartSAVER

SmartSAVER என்பது டொரண்டோவை மையமாகக் கொண்ட இலாபம்-ஈட்டாத சமுதாய நலத்திட்டமாகும், அது குடும்பங்கள் தங்கள் குழந்தைகளின் மேல்நிலைப் பள்ளிக் கல்விக்குப் பின் அரசாங்கப் பணத்தைப் பெற்று பயனடைவதற்கும் RESPஐ தொடங்குவதற்கும் உதவுகின்றது.

 

Comments are closed.